бөлім штабының бастығы

(Начальник штаба части)

бөлім штабын басқаратын адам. Ол коман-дирдің орынбасары және бөлімдегі барлық жеке құрамның тікелей бастығы болып саналады. Штаб бастығы штабтың әскери дайындығы мен даярлау ісіне жауапты болады, сондай-ақ бөлімді басқару мен тәрбиелеуге, әскери тәртіп пен штабтың жеке құрамының саяси-моральдық жағдайына, жеке құрамды есепке алуға, қарулануға, бөлімнің әскери техникасы, оқ-дәрісі мен көлігіне байланысты бөлімшелер мен қызметке жауап береді. Бөлім командирінің шешімдерін жүзеге асыруда бөлім штабының бастығы қажет жағдайларда оның атынан бөлімдегі оған бағынатын командирлерге өкім шығаруға құқығы бар. Барлық берілген аса маңызды нұсқаулар (бұйрықтар) туралы штаб бастығы бөлім командиріне мәлімдеп тұрады.